ممبئی(شوبز ڈیسک) بالی وڈ فلم ساز و ہدایتکار مہیش بھٹ نے کہا ہے کہ ان کے اند فلمیں بنانے کی خواہش دم توڑ چکی تھی جسے تازہ دم کرنے کے لئے ہدایتکاری سے 2دہائیوں کے لئے بریک لینے کا فیصلہ کیا۔بھارتی میڈیا رپورٹس کے مطابق انہوں نے اپنے کام سے متعلق انکشاف کرتے ہوئے کہا کہ انہوں نے
ہدایتکاری سے 2دہائیوں کے لئے بریک لینے کا فیصلہ اس لئے کیا تھا کیونکہ وہ اس حقیقت سے آگاہ تھے کہ فلمیں بنانے کی ان کی خواہش مرجھا چکی ہے اور وہ اپنے مداحوں کو دھوکے میں نہیں رکھنا چاہتے تھے اور یہ کہ انہیں اپنے اندر کے کہانی بیان کرنے والے پہلو کو تازہ دم کرنے کی ضرورت ہے۔
