ممبئی(شوبز ڈیسک) نامر بالی ووڈ اداکار رشی کپورعلاج کی غرض سے امریکا روانہ ہوگئے۔بالی ووڈ اداکار رشی کپور نے گزشتہ روز ٹوئٹر پر اپنی امریکا روانگی کی اطلاع دیتیہوئے کہا ’’میں علاج کی غرض سے کچھ دنوں کے لیے امریکا جارہا ہوں، انہوں نے اپنے پرستاروں پر زور دیتے ہوئے کہا کہ وہ کسی بھی افواہ یا قیاس آرائیوں پر پریشان نہ ہوں۔

مجھے فلموں میں کام کرتے ہوئے 45 سال سے زائد کا عرصہ ہوگیا، اس کے ساتھ ہی رشی کپورنے کہا کہ آپ کی دعاؤں اور نیک تمناؤں کے ساتھ میں بہت جلد واپس آؤں گا۔واضح رہے کہ رشی کپور نے اپنے ٹوئٹ میں کہیں بھی ذکر نہیں کیا کہ وہ کس بیماری کے علاج کے لیے امریکا جارہے ہیں اور نہ ہی اس حوالے سے ان کے بیٹے رنبیر کپور کا کوئی بیان سامنے آیا ہے۔