راولپنڈی (نیوز ڈیسک ) ایون فیلڈریفرنس میں سزا پانے والے سابق وزیراعظم نواز شریف، ان کی صاحبزادی مریم نواز اورداماد کیپٹن ریٹائرڈمحمد صفدر سے گزشتہ روز اڈیالہ جیل میں 40 لیگی رہنماؤں سمیت 70 افراد نے ملاقات کی۔راولپنڈی کی اڈیالہ جیل میں شریف فیملی کو قید کاٹتے ہوئے 8 ہفتے مکمل ہوگئے۔
جیل میں نواز شریف سے شہباز شریف ان کے اہل خانہ جنید صفدر سمیت پارٹی کے سینئر رہنماؤں جاوید ہاشمی، مریم اورنگزیب، طارق فضل چوہدری، سینیٹر چوہدری تنویر خان، سائرہ افضل تارڑ، مشاہد اللہ سمیت کئی پارٹی رہنماؤں نے بھی ملاقات کی۔گزشتہ روز ملاقاتیوں کی فہرست پہلے کے مقابلے میں دگنی رہی، صبح 8 بجے سے شروع ہونے والی ملاقاتوں میں سابق وزیرداخلہ چوہدری نثار کے قریبی ساتھی سابق ایم پی اے حاجی عمر فاروق بھی سابق وزیر اعظم سے ملاقات کرنے اڈیالہ جیل پہنچے۔صحافیوں کے سوالوں پر عمر فاروق کا کہنا تھا کہ وہ کسی موضوع پر بات نہیں کرسکتے۔ذرائع نے بتایا کہ ان کی جانب سے این اے 63 کے ٹکٹ کا مطالبہ کیا گیا جس پر وہ نواز شریف سے کوئی خاطر خواہ جواب حاصل نہیں کر سکے۔واضح رہے کہ میاں نواز شریف کے ملاقاتیوں میں جب چوہدری نثار کے قریبی ساتھی عمر فاروق کو دیکھا گیا تو سب یہی سمجھے کہ وہ چوہدری نثار کا کوئی پیغام لائے ہیں لیکن انہوں نے میاں نواز شریف سے این اے 63 کے ٹکٹ کا مطالبہ کیا لیکن میاں نواز شریف نے کوئی خاطر خواہ جواب نہیں دیا۔ ایون فیلڈریفرنس میں سزا پانے والے سابق وزیراعظم نواز شریف، ان کی صاحبزادی مریم نواز اورداماد کیپٹن ریٹائرڈمحمد صفدر سے گزشتہ روز اڈیالہ جیل میں 40 لیگی رہنماؤں سمیت 70 افراد نے ملاقات کی۔راولپنڈی کی اڈیالہ جیل میں شریف فیملی کو قید کاٹتے ہوئے 8 ہفتے مکمل ہوگئے۔
