لاہور (شوبز ڈیسک) اداکارہ میرا نے کہاکہ فلم انڈسٹری کی بحالی کیلئے حکومت کو بلا سود قرضے فراہم کرنے چاہئیں تاکہ فلم انڈسٹری اپنے پاؤں پر کھڑی ہوسکے ۔’’این این آئی ‘‘سے خصوصی گفتگوکرتے ہوئے میرا نے کہاکہ موجودہ حکومت تبدیلی کا نعرہ لے کر اقتدار میں آئی ہے ،اگر حکومت فلم انڈسٹری کی بحالی میں
سنجیدہ ہے تو فلم بنانے والوں کو بلاسود قرضے دینے کے ساتھ فلموں کی انشورنس کرنی چاہیے جس سے فلمسازو ں میں تحفظ کااحساس پیدا ہوگا اور فلم انڈسٹری اپنا کھویا ہوا مقام دوبارہ حاصل کرسکتی ہے ۔ انہوں نے کہاکہ مجھے یقین ہے کہ میری ان تجاویز کو سنجیدگی سے لیا جائے گا اور اس جانب عملی پیشرفت بھی کی جائے گی۔
