راولپنڈی (این این آئی) مسلم لیگ (ن)کے رہنماؤں نے کہا ہے کہ کیپٹن (ر)صفدر کی انجیوپلاسٹی سے مریم نواز لاعلم تھیں۔ ملاقات سے واپس آنے والے مسلم لیگ (ن) کے رہنماؤں نے بتایا کہ نواز شریف اور ان کی صاحبزادی مریم نواز، کیپٹن (ر) محمد صفدر کی انجیو پلاسٹی سے لاعلم تھے۔ملاقات کیلئے آنے والے رہنماؤں نے مریم نواز کو ان کے خاوند کی انجیو پلاسٹی اور اسٹنٹ ڈالنے سے متعلق آگاہ کیاجس کے بعد مریم نواز۔

کیپٹن (ر) محمد صفدر کی صحت کے حوالے سے پریشان نظر آئیں۔مسلم لیگ (ن) کے رہنماؤں کے مطابق مریم نواز کو جیل حکام نے ان کے خاوند کی انجیو پلاسٹی سے لاعلم رکھا جبکہ مریم نواز متعدد مرتبہ کیپٹن (ر) صفدر کی صحت کا دریافت کرتی رہی تھی۔علاوہ ازیں اڈیالہ جیل کے باہر مائزہ حمید نے میڈیا سے بات چیت کرتے ہوئے کہا کہ میرا خیال ہے کہ مسلم لیگ (ن) کی قیادت میں کسی قسم کے کوئی اختلافات موجود نہیں۔