راولپنڈی(آئی این پی)پاک فوج کے میجر عمر کی برطانوی پلاٹون میں شاندار کارکردگی پر ملکہ برطانیہ نے پاک فوج کے جوان کی تعریف کی اور انہیں سرٹیفکیٹ بھی دیا ، میجر عمر کا نام رائل ملٹری اکیڈمی کی لائبریری کے اعزازی بورڈ پر بھی درج کردیا گیا ۔ جمعہ کو نجی ٹی وی کے مطابق پاک فوج کے
میجر عمر برطانوی رائل ملٹری اکیڈمی کی پلاٹون کے کمانڈر ہیں ان کی پلاٹون نے بہترین کارکردگی کا مظاہرہ کیا ۔ ملکہ برطانیہ نے پاک فوج کے میجر عمر کی شاندار کارکردگی کی تعریف کی اور انہیں سرٹیفکیٹ بھی دیا ۔ میجر عمر کا نام رائل ملٹری اکیڈمی کی لائبریری کے اعزازی بورڈ پر بھی درج کردیا گیا۔
