کراچی(این این آئی)الیکشن کمیشن نے صرف پیادوں کا کردار ادا کیا ،ووٹنگ کے دوران یہ کام کرنا ناقابل یقین اور شرم ناک ہے، بلاول بھٹو زرداری نے سنگین الزامات عائد کردیئے،پاکستان پیپلز پارٹی کی رہنما آصفہ بھٹو زرداری نے اپنی ایک ٹوئیٹ میں کہا ہے کہ پولنگ ایجنٹس کو اسٹیشنز سے باہر نکالنے سے لے کر نتائج روکنے تک ٗ سارا پردہ اتر چکا ہے ٗ یہ کھلم کھلا دھاندلی ہے۔ دوسری جانب پاکستان پیپلز پارٹی کے چیئرمین بلاول بھٹو زرداری نے ٹوئٹر پر ووٹوں کی گنتی کے عمل میں تاخیر

اور پارٹی کے پولنگ ایجنٹس کو پولنگ اسٹیشنز میں جانے سے مبینہ طور پر روکے جانے کو تنقید کا نشانہ بنایا۔ پیپلزپارٹی کے چےئرمین بلاول بھٹو زرداری نے الیکشن کمیشن پر نتائج نہ دینے کا الزام عائد کرتے ہوئے کہاکہ نتائج روکنا اور پولنگ ایجنٹوں کو باہر نکالنا ناقابل معافی اور اشتعال انگیزی ہے۔ بلاول بھٹوزرداری نے کہاکہ جہاں جہاں میں خود انتخاب لڑا وہاں کے نتائج بھی مجھے نہیں دئے گئے،میرے امیدوار شکایت کر رہے ہیں کہ ان کے پولنگ ایجنٹوں کو اٹھا کر پھینک دیا گیا،پورے ملک سے ہمارے پولنگ ایجنٹوں کو پولنگ سٹیشنوں سے نکال گیا۔بلاول بھٹوز رداری نے کہاکہ نتائج روکنا اور پولنگ ایجنٹوں کو باہر نکالنا ناقابل معافی اور اشتعال انگیزی ہے۔ پیپلزپارٹی کی مرکزی رہنما آصفہ بھٹو نے الیکشن کمیشن کو پیادہ قرار دے دیا ۔ آصفہ بھٹو نے کہاکہ الیکشن کمیشن اپنی ذمہ داری سے دستبردار ہو کر پیادا بن گیا،پولنگ ایجنٹس کو باہر پھینگ دیا اور نتائج روک لئے گئے جس سے الیکشن کمیشن کا اصل چہرہ بے نقاب ہو چکا ہے اور یہ جو کچھ ہو رہا ہے یہ سراسر دھاندلی ہے۔ پیپلزپارٹی کی مرکزی رہنما بختاور بھٹو زرداری نے انتخابات کو دھاندلی زدہ قرار دے دیا۔ بختاور بھٹو زرداری نے کہاکہ انتخابات میں سراسر دھاندلی کی گئی ہے، دھاندلی کو چھپانے کی کوشش تک نہیں کی گئی جبکہ سلیکٹڈوزیراعظم عمران نے ہی الیکشن کمیشن سے کوئی شکایت نہیں کی۔