کرا چی (مانیٹرنگ ڈیسک) پا کستان کے سا بق ما یہ نا ز وکٹ کیپر معین خان نے کہا ہے کہ بھا رت پا کستان کے ساتھ کر کٹ نہ کھیل کر اس کھیل کے ساتھ نہ انصا فی کر رہا ہے، بد ھ کو ایک انٹر ویو کے دوران معین خان نے کہا کہ اس وقت پاکستان کی ٹیم پہلے اور بھارتی ٹیم دوسرے نمبر پر ہے لیکن بھارت پاکستان سے دو طرفہ سیریز نہ کھیل کر اس کھیل کے ساتھ نا انصافی کررہا ہے،46 سالہ معین خان نے کہا کہ اس وقت آئی سی سی کے زیادہ تر اسپانسرز بھارتی ہیں اسی کا فائدہ اٹھاتے ہوئے بھارت آئی سی سی کو بلیک میل کررہا ہے، انہوں نے خدشے کا اظہار کیا کہ بھارت کو چاہیے۔

وہ کھیل کی ساکھ کو خراب نہ کرے اگر دونوں ملک ایک دوسرے کے خلاف نہیں کھیلیں گے تو شائقین بھی گراونڈز کا رخ نہیں کریں گے۔ان کا کہنا تھا کہ ٹیسٹ اور ون ڈے کرکٹ سے بڑھ کر اس وقت ٹی ٹوئینٹی کرکٹ کی دنیا بھر میں مقبولیت ہے، یہ چھوٹے فارمیٹ کی کرکٹ تین گھنٹے کی فلم کی طرح ہے یہی وجہ ہے کہ اس کو دنیا بھر میں پذیرائی ملی ہے۔پاکستان کی جانب سے69ٹیسٹ اور219ون ڈے انٹر نیشنل کھیلنے والے ماضی کے وکٹ کیپر نے انٹر نیشنل کرکٹ کونسل کو مشورہ دیا ہے کہ وہ اس سلسلے میں مداخلت کرکے بھارت کو قائل کرے کہ پاکستان کے ساتھ سیریز کھیلے۔