اسلام آباد(مانیٹرنگ ڈیسک)نماز جمعہ پڑھ کر نکلنے والے نمازیوں سے ووٹ کی اپیل، نمازی نے ایم کیو ایم رہنما کو کھری کھری سنا دی۔ تفصیلات کے مطابق ایم کیو ایم کے رہنما فاروق ستار نماز جمعہ کی ادائیگی کے بعد مسجد سے نماز پڑھ کر نکلنے والے لوگوں سے ووٹ کی اپیل کر رہے تھے کہ اسی دوران ایک نمازی نے وہاں فاروق ستار کی طبیعت صاف کرتے ہوئے ان پر سنگین الزام عائد کرتے ہوئے کھال چور قرار دیدیا۔ نمازی ووٹر کا فاروق
ستار کو کہنا تھا کہ 25سال سے اسلحہ کے زور پر کھالیں چھینتے آرہے ہو آج تمہیں ووٹرز یاد آگئے ہیں، فاروق ستار اللہ سے معافی مانگو۔ نمازی نے الزام عائد کرتے ہوئے کہا کہ بہادر آباد میں اس سے اسلحہ کے زور پر کھالیں کھینچنے کی کوشش کی گئی تھی۔ نمازی کی جانب سے کھری کھری سنانے پر فاروق ستار نے وہاں موجود لوگوں کو یقین دلایا کہ وہ اب لوگوں اور شہر کیلئے دل و جان سے بہتری کیلئے سرگرم عمل ہونگے۔
