اسلام آباد (این این آئی)ایڈیشنل ڈسٹرکٹ مجسٹریٹ نے بنی گالہ میں پاکستان تحریک انصاف کے چیئرمین عمران خان کی رہائش کے باہر اجتجاج کے دروان امن و امان کی صورتحال کنٹرول میں رکھنے اور پولیس کی معاونت کے لئے رینجرز تعینات کرنے کی اسلام آباد پولیس کی درخواست پر فوری ضابطے کی کارروائی کی ہدایت دیدی ہے ،300رینجرز اہلکار بنی گالہ میں عمران خان کے گھر کے باہر سکیورٹی کی خدمات کے لئے مانگے گئے ہیں

۔ضلعی انتظامیہ کی درخواست پر ایڈیشنل ڈسٹرکٹ مجسٹریٹ کے روبرو اسلام آباد پولیس نے بتا یا ہے کہ بنی گالہ میں 700سے زائد افراد احتجاج کر رہے ہیں ،خدشہ ہے امن و امان کی صورتحال خراب ہوسکتی ہے اور درخواست کی گئی کہ پنجاب رینجرز کے سیکٹر کمانڈر سے رابطہ کر کے پولیس کی معاونت کے لئے 300رینجرز عملہ کی تعیناتی کی درخواست کی جائے ۔