اوکاڑہ(نیوزڈیسک)اوکاڑہ میں لرزہ خیز واقعہ،شوہر نہر میں ڈوب کر جاں بحق ہوگیا، بیوی ویڈیو بناتی رہی،انتہائی افسوسناک وجہ سامنے آگئی، تفصیلات کے مطابق عید کے موقع پر پکنک منانے نہر کنارے آنے والا جوڑا افسوسناک حادثے کا شکار ہوگیا، شوہر نے اپنی بیوی پر اپنی تیراکی میں مہارت کی دھاک بٹھانے کے لئے نہر میں چھلانگ لگادی ، شوہر پہلے تو تیرتارہا
اور اس کی بیوی ویڈیو بناتی رہی لیکن کچھ ہی دیر بعد نہر میں ایک مقام پر پانی کادباؤ بہت زیادہ ہوگیا جس کے باعث شوہر خود کو کنٹرول نہ کرسکا اور نہر میں ڈوب کرجاں بحق ہوگیا، افسوسناک واقعہ عید کے پہلے روز پیش آیا جہاں میاں بیوی پکنک منانے نہر کنارے آئے ہوئے تھے ، ڈوبنے والے کی لاش نکالنے کے لئے بدستور ریسیکیو آپریشن جاری ہے لیکن تاحال لاش برآمد نہیں ہوسکی۔
