کراچی (نیوزڈیسک )ذوالفقار مرزا کو بھرپور جواب دینے پیپلزپارٹی کی خواتین ارکان اسمبلی سامنے آگئیں، وارننگ دیتے ہوئے سابق وزیر داخلہ کو “گرا ہوا” قرار دے دیا۔ شرمیلا فاروقی کہتی ہیں کہ ہمیں یہ تربیت نہیں ملی کہ گندگی کا جواب گندگی سے دیں۔ شہلا رضا نے کہا کہ مردانگی مونچھیں رکھنے سے نہیں خواتین کی عزت کرنے میں ہے۔کراچی میں پریس کانفرنس کرتے ہوئے پیپلزپارٹی کی خواتین اراکین سندھ اسمبلی نے سابق صوبائی وزیر داخلہ اور پیپلزپارٹی کے ناراض رہنماءکو وارننگ دیتے ہوئے کہا کہ ذوالفقار مرزا گری ہوئی شخصیت کے مالک ہیں۔شرمیلا فاروقی کہتی ہیں کہ سابق وزیر داخلہ ذوالفقار مرزا غلظ انسان ہیں، ان کی بے ہودہ زبان کا بھرپور جواب دیں گے، ہمیں یہ تربیت نہیں ملی کہ گندگی کا جواب گندگی سے دیں، ایک زمانے میں مرزا صاحب کے پاس گاڑی بھی نہیں تھی، پیپلزپارٹی نے انہیں یہ مقام دیا۔خواتین اراکین کا کہنا تھا آصف زرداری اور فریال تاپور کے خلاف ایک لفظ نہیں سنیں گے، ذوالفقار مرزا بتائیں پی پی میں آنے سے پہلے ان کے پاس کیا تھا۔ڈپٹی اسپیکر سندھ اسمبلی شہلا رضا کا کہنا تھا کہ مردانگی مونچھیں رکھنے سے نہیں خواتین کی عزت کرنے میں ہے، ایک ایسا شخص جس کا کوئی تعارف نہیں، کیچڑ اچھال رہا ہے، ذوالفقار مرزا پیپلزپارٹی میں شامل ہوکر وزیر داخلہ بنے، وہ بھی شاہ محمود قریشی اور جاوید ہاشمی کی طرح ادھر سے ادھر گھومنے والے ایک پرندے ہیں