اسلام آباد (مانیٹرنگ ڈیسک)شارجہ سے استنبول جانے والا طیارہ ایران میں گر کر تباہ ہو گیا جس کے نتیجے میں 11افراد جاں بحق ہو گئے۔ عرب میڈیا کے مطابق ایک پرائیویٹ ترکش طیارہ جو 11افراد کو شارجہ سے استنبول لے جا رہا تھا جنوبی ایران میں گر کر تباہ ہو گیا ۔جس میں تمام 11افراد جاں بحق ہو گئے۔ سول ایوی ایشن آرگنائزیشن کے ترجمان نے بتایا کہ ترکش پرائیویٹ طیارہ جو
ایرانی فضائی حدود میں ریڈار سے گم ہو گیا تھا وہ شہرِ کرد کے علاقے میں گر کر تباہ ہو گیا ہے ۔ایران کے سرکاری خبررساں ادارے ارنا کے مطابق طیارہ شدید بارشوں کے باعث ایرانی کی پہاڑیوں میں گر کر تباہ ہوا ۔ امدادی کارروائیاں جاری ہیں اور پہاڑی علاقہ ہونے کے باعث امدادی ٹیموں کو وہاں پہنچنے میں مشکلات کا سامنا ہے۔11افراد کون تھے ان کی شناخت ابھی ظاہر نہیں کی گئی۔
