کاس گنج(آئی این پی) بھارتی ریاست اترپردیش میں یومِ جمہوریہ کے موقع پر ہونیوالے فرقہ وارانہ فساد کی آگ ٹھنڈی بھی نہیں ہوئی تھی کہ شر پسندوں نے ایک مسجد کے دروازہ کو نذرِ آتش کردیا جس پر علاقے میں کشیدگی پھیل گئی ،

علاقے میں سیکورٹی فورسز کو تعینات کردیا گیا ۔بھارتی میڈیا کے مطابق ریاست اتر پردیش کے شہر کاس گنج میں یومِ جمہوریہ کے موقع پر ہونیوالے فرقہ وارانہ فساد کی آگ ٹھنڈی بھی نہیں ہوئی تھی کہ شر پسندوں نے علی الصبح کاس گنج کے گنج ڈنڈوارا قصبہ میں واقع مسجد کے دروازہ کو نذرِ آتش کر دیا اورمن و امان کی صورتحال خراب کرنے کی کوشش کی ۔مسجد کے دروازہ میں آگ لگنے کی اطلاع ملتے ہی لوگوں میں غم و غصے کی لہر دوڑ گئی اور کشیدگی پھیلگئی۔اس واقعہ کی اطلاع ملتے ہی ضلع مجسٹریٹ آر پی سنگھ کے ساتھ پولیس سپرنٹنڈنٹ پیوش شریواستو بھی موقع پر پہنچ گئے۔ضلع انتظامیہ نے جائے وقوعہ پر سیکیورٹی فورس تعینات کر دی۔ذرائع کے مطابق گنج ڈنڈوارا کی سبزی منڈی کے قریب واقع مسجد کے دروازے میں شرپسندوں نے آگ لگائی جس سے دروازہ جل کرتباہ ہوگیا۔صورتحال کشیدہ ہوتے دیکھ کر علاقے میں دفعہ 144 نافذ کر دیاگیا۔ پولیس نے نامعلوم مسجد کے دروازے کو آگ لگانے والے ملزمان کی تلاش شروع کردی۔ افرادکے خلاف معاملہ درج کرلیااور مسجد کے دروازے کو آگ لگانے والے ملزمان کی تلاش شروع کردی۔