ابوظہبی(این این آئی)متحدہ عرب امارات نے اس امرکی تصدیق کی ہے کہ امارات میں کام کا ویزا حاصل کرنے کے لیے نئی شرط کا اطلاق ہوگا۔میڈیارپورٹس کے مطابق کابینہ کی جانب سے جاری فیصلے پر عمل درامد کرتے ہوئے بیرون ملک سے امارات آنے والوں کے لیے ورک پرمٹ کی درخواست پیش کرنے کے لیے اچھے چال چلن کا سرٹفکیٹ دینا لازمی ہو گا۔مذکورہ وزارت کی جانب سے جاری بیان کے مطابق اس سلسلے میں مطلوبہ سرٹفکیٹ درخواست دہندہ کے ملک سے جاری ہونا چاہیے یا پھر
اْس ملک سے جہاں درخواست دہندہ نے آخری 5 برس کے دوران قیام کیا ہو۔اس سرٹفکیٹ کی بیرون ملک اماراتی سفارتی مشنوں سے تصدیق ضروری ہو گی۔ فیصلے کا اطلاق صرف کام کرنے والے افراد پر ہو گا جب کہ ان کے اہل خانہ اس سے مستثنی ہوں گے۔ علاوہ ازیں وزٹ یا سیاحتی ویزے پر آنے والوں کو اس سرٹفکیٹ کی ضرورت نہیں ہو گی۔وزارتی بیان میں باور کرایا گیا ہے کہ اس اقدام کا مقصد اماراتی حکومت کی جانب سے معاشرے میں امن و امان کو مزید یقینی بنانے کی کوشش ہے۔
