برلن(این این آئی)جرمن چانسلر میرکل نے کہاہے کہ حکومت سازی کے لیے سوشل ڈیموکریٹک پارٹی کے ساتھ مذاکرات کا کڑا دور سامنے ہیں۔ ادھر ممکنہ وسیع تر مخلوط حکومت میں مارٹن شلش کے مستقبل کے کردار پر بحث گرم ہو گئی ۔غیرملکی خبررساں ادارے کے مطابق ایک بیا ن میں جرمن چانسلر میرکل نے سوشل ڈیموکریٹک پارٹی کے ساتھ جاری مذاکرات کی کامیابی اور حکومت کے قیام کی امید کا اظہار کیا تاہم ان کا کہنا تھا کہ مذاکرات
یہ حتمی دور کڑا ہے۔ چانسلر میرکل کا کہنا تھاکہ آج ہم ان مذاکراتی کے حتمی دور کے لیے دوبارہ جمع ہوئے ہیں، ابھی یہ کہنا مشکل ہے کہ یہ مذاکرات مزید کب تک چلیں گے ہم نے کل اچھا خاصا کام کیا تاہم اب بھی بہت سے امور حل طلب ہیں،ان کا مزید کہنا تھاکہ میں ایک اچھی نیت کے ساتھ آج پر مذاکرات میں شرکت کر رہی ہوں، مگر مجھے یہ توقع بھی ہے کہ آج کے دور میں ہمارے سامنے مذاکرات کا ایک مشکل مرحلہ ہے۔
