بیجنگ (آن لائن) ون پلس فون استعمال کرنے والے40,000 صارفین کا کریڈٹ کارڈ ڈیٹا چوری ہوگیا چینی کمپنی ون پلس کی جانب سے جاری کردہ بیان کے مطابق نامعلوم ہیکرز کی جانب سے کمپنی کے سرور پر حملہ کرکے 40 ہزار سے زائد صارفین کے کریڈٹ کارڈ کا ڈیٹا چرایا گیا ہے تاہم چوری کیے جانے والے مواد میں نہ صرف صارفین کے کریڈٹ کارڈ کے نمبر بلکہ ان کے کریڈٹ کارڈ کی میعاد اور سیکورٹی کوڈ بھی شامل ہیں۔

تاہم بیان کے مطابق ڈیٹا کی ہر چوری گزشتہ سال اکتوبر سے رواں ماہ جنوری کے دورانیے میں کی گئی ہے جبکہ ہیکرز کے حملے سے وہ صارفین محفوظ رہے ہیں جنہوں نے پے پال کے ذریعے اپنی ادائیگاں کی ہیں تاہم ون پلس کمپنی کی جانب سے سیکورٹی خامی کی وجہ سے متاثر ہونے والے تمام تمام صارفین کو ذاتی ای میل لکھی گئی ہے جبکہ ون پلیس کا کہنا ہے کہ اس واقعے کی تحقیقات جاری ہیں تاہم جلد ہی اس کے نتائج سے صارفین کو آگاہ کردیا جائے گا۔