اسلام آباد (این این آئی)افغانستان میں قیام امن کا مشن لئے افغان طالبان کے سیاسی رہنما پاکستان پہنچ گئے ہیں ۔غیر ملکی میڈیا رپورٹ کے مطابق افغان طالبان نے امن مذاکرات کیلئے اپنے سیاسی رہنماؤں پر مشتمل ایک وفد کو پاکستان بھیجا ہے
جس کا مقصد افغانستان میں جنگ کے خاتمےاور امن وامان کے قیام کے غرض سے پاکستانی حکام سے بات چیت کرنا ہے۔قطر میں افغان طالبان کے سیاسی دفتر سے وابستہ تنظیم کے تین سینئر ارکان پر مشتمل وفد شہاب الدین دلاور کی سربراہی میں اسلام آباد پہنچا ہے ،یہ مذاکرات کار دورے کے دوران امن مذاکرات کو آگے بڑھا کر سفارتی سطح پر ’پیس ٹاک‘ کو نتیجہ خیز بنائینگے۔میڈیا رپورٹ کے مطابق وہ طالبان حکام کی پاکستان میں آمد سے آگاہ ہیں تاہم ان کے مشن کے حوالے سے کچھ نہیں کہا جاسکتا۔دوسری جانب ترجمان افغان طالبان ذبیح اللہ مجاہد نے سیاسی وفد کی پاکستان میں موجودگی کی اطلاعات سے لاتعلقی ظاہر کرتے ہوئے کہا کہ وہ اس سے متعلق معلومات حاصل کرکے میڈیا کو آگاہ کریں گے تاہم وہ فوری طور پر طالبان رہنماں کے پاکستان دورے کی تصدیق نہیں کررہے۔ادھر افغان امن کونسل کے اعلیٰ حکام ،جنہیں مسلح گروہوں سے امن مذاکرات اور مصالحت کی ذمہ داری دی گئی ہے کا کہنا ہے کہ حکومت نے بار بار واضح کیا ہے کہ وہ طالبان سے بات چیت کیلئے ہمہ وقت تیار ہے۔
