لاہور( این این آئی)ٹی وی کی خوبرو اداکارہ نمرہ خان نے کہا ہے کہ اپنی اداکاری میں پختگی لانے کیلئے بھرپور محنت کر رہی ہوں ،پرستاروں نے ڈرامہ سیریل ’’الف اللہ اور انسان ‘‘ میں میرے کردار کو بیحد سراہا ہے جس سے مجھے حوصلہ ملاہے ۔ ایک انٹر ویو میں اداکارہ نے کہا کہ میں نے کبھی سوچا بھی نہیں تھاکہ مجھے شوبز میں اس قدر پذیرائی ملے گی اور اس پر میں اپنے خدا کا جتنا بھی شکر ادا کروں وہ کم ہے ۔ نمرہ خان نے کہا کہ ’’

الف اللہ اور انسان ‘‘ میں سینئر ز فنکاروں کے ساتھ کام کر کے بہت کچھ سیکھنے کو ملا اور ڈرامے کی کاسٹ میں شامل تمام فنکاروں نے ایک دوسرے کو بھرپور سپورٹ کیا ۔ انہوں نے کہا کہ میں نے اپنے کردار میںحقیقت کا رنگ بھرنے کے لئے بھرپور محنت کی ہے اور مجھے اس کا صلہ بھی ملا ہے ۔ نمرہ خان نے کہا کہ مجھے اپنی فیملی کی بھرپور سپورٹ حاصل ہے اور اگر ایسا نہ ہوتا تو شاید میں یہ مقام حاصل نہ کر پاتی۔