اسلام آباد(مانیٹرنگ ڈیسک)نجی ٹی وی پروگرام کے دوران ن لیگ کے رہنما جاوید لطیف نے ترجمان تحریک انصاف بیرسٹر فواد چوہدری کو تپا ڈالا، ایک دوسرے پر تندوتیز الزامات کی بوچھاڑ، تفصیلات کے مطابق نجی ٹی وی پروگرام کے دوران ن لیگ کے رہنما جاوید لطیف نے اسحاق ڈار کے بیرون ملک علاج کرانے پر ترجمان تحریک انصاف بیرسٹر فواد چوہدری کو جب یہ کہا کہ اسحاق ڈار کے دو ڈھائی مہینے باہر رہ کر علاج کرانے پر آپ کو اعتراض ہے مگر اپنے سابقہ قائد پرویز مشرف جن کے آپ ترجمان رہ چکے ہیں
ان کے کمر درد کے بہانہ بنا کر بیرون ملک جا نے اور نائٹ کلب میں ڈانس کرنے پر آپ کیوں کچھ نہیں کہتے تو اس پر بیرسٹر فواد چوہدری کا کہنا تھا کہ پرویز مشرف دور کی آدھی کابینہ تو آپ لوگوں کے ساتھ بیٹھی ہے وہ کیوں نہیں بتاتے ۔ پروگرام کے میزبان ڈاکٹر معید پیرزادہ اس دوران خاموش رہے اور دونوں اطراف سے ایک دوسرے پر ہونے والوں زبانی حملوں کو دیکھتے اور سنتے رہے۔ دونوں متحارب رہنما ایک دوسرے پر تندو تیز الزامات لگاتے اور ایک دوسرے کی بات کاٹتے رہے ، اسی دوران اینکر معید پیرزادہ نے شو ختم کر دیا۔
