اسلام آباد(مانیٹرنگ ڈیسک)کیپٹن صفدر لوگوں کو اپنے گرد دیکھ کر جذبات پر کنٹرول نہ رکھ سکے، سکھ شہری کو گلے سے لگا کر ہیپی کرسمس کہہ دیا، سکھ برادری سے تعلق رکھنےوالاشہری حیرت سے منہ ہی دیکھتا رہ گیا۔ تفصیلات کے مطابق سوشل میڈیا پر سابق وزیراعظم نواز شریف کے دامادکیپٹن صفدر کی ایک ویڈیو تیزی سے وائرل ہو رہی ہے جس میں کیپٹن صفدر نہایت خوشگوار موڈ میں نظر آرہے ہیں۔ ویڈیو میں دیکھا جا سکتا ہے کہ اس موقع پر لوگ سابق وزیراعظم نواز شریف کے داماد اور
ن لیگ کے رہنما کیپٹن صفدر کو نہایت گرمجوشی سے ملتے ہوئے ان کے گرد جمع ہوتے جا رہے ہیںجس پر کیپٹن صفدر نہایت خوش اور پرجوش نظر آتے ہیں اور اسی خوشی میں وہ جذبات پر کنٹرول نہ رکھ سکے اور وہاں موجود ایک سکھ شہری کو گلے سے لگا کر مسیحی برادری کے تہوار کرسمس کی مبارکباد دے ڈالی۔ سکھ شہری کیپٹن صفدر کے اس اچانک اور جذباتی عمل پر حیرت زدہ رہ گیا اور ان کا منہ ہی دیکھتا رہ گیا۔ سوشل میڈیا پر اس ویڈیو پر کئی صارفین نہایت دلچسپ تبصرے کر رہے ہیں ۔
