کراچی (نیوز ڈیسک) تحریک انصاف کے چیئرمین عمران خان کہتے ہیں کراچی اسمبلی کی سیٹ جیتنے نہیں ، نئے پاکستان کا خواب پورا کرنے آئے ہیں ، سیاسی جماعتوں کے مسلح ونگ ختم کئے بغیر کراچی میں امن نہیں ہو گا۔ تحریک انصاف اگلے الیکشن میں پنجاب سے بھی مخالفین کا صفایا کر دے گی۔ کراچی کی شارع پاکستان پر انتخابی جلسے سے خطاب کرتے ہوئے کپتان مخالفین کو خوب باو¿نسر مارتے رہے۔ کہتے ہیں ایک سیٹ سے کوئی فرق نہیں پڑتا۔ کراچی نئے پاکستان کا خواب پورا کرنے آئے ہیں ، پی ٹی آئی چیئرمین نے کہا کہ انیس سو پچاسی سے پہلے کراچی ہر میدان میں آگے تھا ، مہاجروں کے نام پر بندوق کی سیاست ہوئی تو ان کا گراف گر گیا ، آج بھی شہر میں خوف کی فضا ہے ، سیاسی جماعتوں میں مسلح ونگز رہے تو امن نہیں ہوگا ، الطاف بھائی مائنڈ نہ کرنا کہتے ہوئے عمران خان نے ایم کیو ایم کے قائد کی تقریر پر بھی تنقید کی ، پی ٹی ا?ئی چیئرمین پارلیمنٹ کے مشترکہ اجلاس میں ہونیوالی تنقید پر بھی برہم نظر آئے۔ کہتے ہیں اسمبلی جانے کو دل نہیں چاہتا یمن کے مسئلے کی وجہ سے جانا پڑا ، پی ٹی آئی چیئرمین نے کہا کہ دو ہزار تیرہ کے انتخابات میں جو ہوا سب جانتے ہیں ، جوڈیشل کمیشن کی تحقیقات کے بعد اسی سال الیکشن ہونگے ، پنجاب سے بھی جیتیں گے۔