اسلام آباد(نیوزڈیسک ) خیبرپختونخوا کے ورکرز ویلفیئر بورڈ اور پولیو ورکرز کا عمران خان کی رہائش گاہ کے باہر دھرنا آج ساتویں روز بھی جاری ہے، مظاہرین نے واضح کردیا، مطالبات کی منظوری تک بنی گالہ سے نہیں جائینگے ۔مظاہرین نے کہاکہ کشتیاں جلاکر یہاں آئے ہیں، جب تک مطالبات منظور نہیں ہوتے دھرنا ہوگا دھرنا ہوگا، یہ جانے پہچانے نعرے کپتان کے دھرنے کے نہیں بلکہ یہ ایک اور دھرنا ہے جو 7 روز سے بنی گالا کے سامنے ڈالا گیا ہے، خیبر پختونخوا سے آئے ورکرز ویلفئیر بورڈ اور پولیو ورکرز نے خیمہ بستی بسالی ہے۔مظاہرین کا کہنا ہے کہ مطالبات پورے ہونے تک لوٹنے والے نہیں، مظاہرین منتظر ہیں کہ کب آئے گا عمران؟ اور مطالبات کی منظوری کا کرے گا اعلان؟