کراچی (نیوزڈیسک) کراچی میں عقیل کریم ڈھیڈی کے گھر عمران خان اور ریحام خان کے لیے پرتکلف ناشتے کا اہتمام کیا گیا ، ریحام خان توجہ کا مرکز بن گئیں ، لوگ چئیرمین تحریک انصاف کی اہلیہ کے ساتھ تصاویر بنواتے رہے۔ عمران خان اور ریحام خان عقیل کریم ڈھیڈی کے گھر پہنچے جہاں ان کی بھوک مٹانے کے لیے پرتکلف ناشتے کا اہتمام کیا گیا تھا۔ سب سے پہلے مہمانوں کی تواضع کولڈ ڈرنک اور جوسز سے کی گئی۔ ناشتے میں عمران خان کے لیے نہاری ، پائے ، چکن ، قیمہ ، لوکی کا حلوہ ، کچوریاں ، حلوہ پوری رکھی گئی ، کھانوں کی فہرست میں چنے ، آلو کی ترکاری اور بکرے کا گوشت بھی رکھا گیا تھا۔ عقیل کریم ڈھیڈی کے گھر پر ریحام خان لوگوں کی توجہ کا مرکز بن گئیں۔ لوگ چئیرمین تحریک انصاف کی اہلیہ کے ساتھ تصاویر بنواتے رہے۔ ریحام خان کے ساتھ لیڈی پولیس اہلکار کی ڈیوٹی لگائی گئی۔ جنہیں مستقل ریحام خان کے ساتھ رہنے کی ہدایت دی گئی تھی