اسلام آباد(نیوزڈیسک) انٹرپول نے ایف آئی اے کی درخواست پر33 کروڑ روپے کے فراڈ میں مفرور ڈسکہ کے ٹریول ایجنٹ اور انسانی سمگلر محمد اکرم مغل کو سعودی عرب سے گرفتار کر لیا۔ ملزم فراڈ کے255مقدمات اور انسانی اسمگلنگ کے 218مقدمات میں فیڈرل انویسٹی گیشن ایجنسی(ایف آئی اے) کو مطلوب تھا۔ پانچ ماہ قبل ملزم محمد اکرم مغل سینکڑوں مقامی لوگوں سے سستا عمرہ پیکیج کے ذریعے33کروڑ روپے لے کر بیرون ملک فرار ہو گیا تھا۔ ڈپٹی ڈائریکٹر ایف آئی اے گوجرانوالہ سکندر حیات ملک نے بتایا کہ ملزم محمد اکرم مغل کو جلد ہی انٹرپول(بین الاقوامی پولیس) اور ایف آئی اے کی مشترکہ نگرانی میں سعودی عرب سے پاکستان لایا جائے گا۔
مزید پڑھئے:مطلوبہ شخص کو ہی نیند سے جگانے والا الارم تیار
ملزم کے خلاف سخت قانونی کارروائی کی جائے گی
