اسلام آباد(نیوزڈیسک )کراچی کے حلقہ این اے 246 کے ضمنی انتخاب میں 5 روز باقی رہ گئے ہیں۔ سیاسی جماعتوں کی الیکشن مہم عروج پر ہے۔ آج جماعت اسلامی خواتین کا پنڈال سجائے گی تو کل ایم کیو ایم اپنی سیاسی قوت کا مظاہرہ کرے گی،سونامی اتوار کو عائشہ منزل کا رخ کرےگا۔این اے 246 کے گرما گرم محاذ پر جیت کیلئے تینوں جماعتیں کوشاں ہیں، جماعت اسلامی نے آج شام خواتین کے جلسے کیلئےشارع پاکستان پر پنڈال سجا لیا ، خواتین کے جلسے سے امیر جماعت اسلامی سراج الحق اور حلقے سے جماعت کے امیدوار راشد نسیم بھی خطاب کریں گے۔ ادھر ایم کیو ایم حلقے میں اپنی سیاسی قوت کا مظاہرہ کل کرے گی، ایم کیو ایم کے جلسے کے لیے لیاقت آباد دس نمبر فلائی اوور کے قریب اسٹیج بنایا جائے گا،جلسے سے ایم کیو ایم کے قائد الطاف حسین کا لندن سے ٹیلی فونک خطاب بھی متوقع ہے۔سونامی کو بھی 19اپریل کو عائشہ منزل شارع پاکستان پرجلسے کی اجازت مل گئی ہے، کپتان اپنے کھلاڑیوں سے شام 6 بجے خطاب کریں گے، جلسے میںریحام خان بھی شریک ہوں گی۔ اس سے پہلے تحریک انصاف نے 19 اپریل کو ہی جناح گراو¿نڈ میں جلسے کااعلان کیا تھا لیکن بعد میں نائن زیرو پر ہونے والی بدمزگی کے بعد جلسے کا مقام تبدیل کردیا گیا۔