اسلام آباد(نیوز ڈیسک) پاکستانی معیشت کو بدستور کمزوریوں کا سامنا ہے، عالمی مالیاتی فنڈ کا کہنا ہے توانائی بحران، زائد اخراجات اور برامدات میں کمی نمایاں خامیاں ہیں۔پاکستان میں آئی ایم ایف کے نمائندے میرزوف نے کہا ہے کہ پاکستان کو بہت سی بنیادی کمزوریوں کا سامنا ہے، جس کے باعث ملکی معیشت غیرمستحکم ہوگئی، معیشت کیغیرمتوازن ہونے کی اہم وجہ پاکستان کو توانائی بحران کا سامنا ہے، خطے کے دیگر ملکوں کے مقابلے میں پاکستانی برآمدات بھی بہت کم ہیں، جبکہ اخراجات بہت زیادہ ہیں،ساتھ ہی پاکستان میں کاروبای ماحول بھی ناسازگار ہے۔ ان کا کہنا تھا کہ معاشی استحکام کے لیے ان چیلنجز کا حل بے حد ضروری ہے۔