کابل(آئی این پی)افغان حکام نے الزام عائد کیا ہے کہ پاکستان کی سرحدی فورسز نے مشرقی افغانستان میں 37مارٹر شیل فائر کیے جس کے نتیجے میں 2افراد ہلاک ہوگئے ۔جمعہ کوافغان میڈیا کے مطابق مشرقی صوبہ ننگرہار کے گورنر کے ترجمان عطااللہ کھوگیانی نے الزام عائد کیا ہے کہ پاکستان نے 37مارٹر شیل فائر کیے جس کے نتیجے میں 2افراد ہلاک اور تین زخمی ہوگئے ۔واضح رہے کہ افغانستان اس سے قبل بھی پاکستان پر سرحد پار سے گولہ باری کا الزام عائد کرتاآیا ہے ۔

دریں اثنا حزب اسلامی کے سربراہ گلبدین حکمت یار بھی جوتا کلب کے ممبر بن گئے ۔افغان میڈیا کے مطابق واقعہ مغربی صوبہ ہرات کی جامع مسجد میں اس وقت پیش آیا جب حزب اسلامی کے سربراہ گلبدین حکمت یار خطبہ دے رہے تھے کہ اس دوران ایک شخص نے گلبدین حکمت یار پر جوتا پھینکا اور اللہ اکبر کے نعرے لگائے ۔ابتدائی رپورٹ کے مطابق جوتا پھینکنے والے شخص کی شناخت ظاہر نہیں کی گئی ۔واضح رہے کہ گلبدین حکمت یار سابق عسکریت پسند لیڈر ہیں جو رواں ہفتے ہرات پہنچے تھے ۔