اسلام آباد (مانیٹرنگ ڈیسک) نواز شریف کے ساتھ اصل گیم کس نے کھیلی؟ حامد میر نے کس کا نام لے لیا؟ تفصیلات کے مطابق سینئر صحافی و تجزیہ کار حامد میر نے دعویٰ کیا ہے کہ انہیں ان کے کسی سیاسی دوست نے نہیں بلکہ میڈیا کے دوستوں کے غلط مشوروں نے مروایا ہے۔ حامد میر نے نجی ٹی وی کے ایک پروگرام میں بات چیت کرتے ہوئے کہا کہ بدقسمتی سے نواز شریف کے مشیروں میں میڈیا کے لوگ زیادہ اور سیاسی ساتھی کم ہیں، جو واٹس ایپ کالز پر نواز شریف کے اردگرد لوگوں کو کچھ ہدایات جاری کرتے ہیں اور پھر وہ

نواز شریف کو کہتے ہیں کہ آپ کو یہ کرنا چاہئے، کچھ میڈیا کے لوگوں نے نواز شریف کو غلط مشورے دے کر مروایا۔ انہوں نے مزید کہا کہ بہت سے چینلز کے لوگوں کے علاوہ ایسے بھی ہیں جو بظاہر نواز شریف کے ساتھ کھڑے نظر نہیں آتے لیکن وہ خفیہ طور پر ان کے ساتھ کھڑے تھے، حامد میر کے مطابق نواز شریف کی نااہلیت کی زیادہ ذمہ داری ان لوگوں پر ہی عائد ہوتی ہے جو ان کی آنکھیں اور کان تھے، کیونکہ ان کو غلط چیزیں بتائی اور دکھائی جا رہی تھیں۔ یہی وجہ ہے کہ ان نادان دوستوں نے نواز شریف کو کہیں کا نہیں چھوڑا۔