اسلام آباد (مانیٹرنگ ڈیسک) پاناما لیکس، عدالت آرٹیکل 190 کے تحت فوج کو کیا حکم دے سکتی ہے؟ معروف صحافی کا حیرت انگیز انکشاف تفصیلات کے مطابق معروف صحافی ڈاکٹر شاہد مسعود نے نجی ٹی وی چینل کے پروگرام میں کہا کہ میاں نواز شریف کو علم ہونا چاہیے کہ پانامہ کا معاملہ آنے والے دنوں میں کرپشن اور جعلسازی سے بڑھ سکتا ہے۔ یہ لوگ جو براہ راست حملہ کرنے کا سوچ رہے ہیں

وہ یہ ذہن میں رکھیں کہ عدالت ریاست کا سب سے بڑا اور مقدس ادارہ ہوتا ہے۔ آرٹیکل 190 کے تحت عدالت فوج کو حکم دے سکتی ہے اور فوج عدالت کو نہیں کہہ سکتی۔ عدالت سے اگر آپ لڑ رہے ہیں تو آپ ایک قسم کی بغاوت کر رہے ہیں، وزیر اعظم نواز شریف کا تصادم کا ذہن بن چکا ہے۔ اس سے قبل کبھی بھی ایسا نہیں ہوا کہ ان کے کاغذات پکڑے گئے ہوں۔ انہوں نے کہا کہ آج کل کیلبری فونٹ کی بات ہو رہی ہے۔ آج بیرسٹر ظفر اللہ نے کہا کہ یہ فونٹ 2004ء میں بن گیا تھا ان کو پتہ ہی نہیں ہیکہ مائیکروسافٹ نے یہ فونٹ 2007ء میں لانچ کیا تھا۔ معروف تجزیہ کار ڈاکٹر شاہد مسعود نے مزید انکشاف کیا کہ مسلم لیگ ن کا سوشل میڈیا سیل مستقل کوشش کر رہا ہے کہ کسی طرح وکی پیڈیا پر فونٹ کی معلومات کو تبدیل کیا جائے۔ ریکارڈ تبدیل کرنے کے لیے میڈیا سیل مسلسل کوشش کر رہا ہیمگر وکی پیڈیا نے معلومات میں تبدیلی کی کوشش کرنے والوں کو بلاک کر دیا ہے تاکہ فونٹ کی معلومات کو تبدیل ہونے سے بچایا جا سکے۔