اسلام آباد(مانیٹرنگ ڈیسک)الیکشن کمیشن اآف پاکستان کی جانب سے مرتب کردہ فہرست کےمطابق نامکمل گوشواروں کی بناپرملک کی 343میں سے 306جماعتیں انتخابات میں حصہ لینے کی اہل نہیں ہیں ۔جن میں پاکستان تحریک انصاف ،آل پاکستان مسلم لیگ ،جماعت اسلامی ،پختونخواملی عوامی پارٹی اورسنی اتحاد سمیت دیگرجماعتیں شامل ہیں ۔جبکہ مسلم لیگ (ن) ،پیپلزپارٹی اوردیگرتام بڑی جماعتیں الیکشن میں حصہ لینے کےلئے اہل قراردی گئی ہیں ۔

ایک قومی اخبارکی رپورٹ کے مطابق الیکشن کمیشن کی جانب سے جاری فہرست کے مطابق ملک کی کل سیاسی جماعتوں میں سے 37سیاسی جماعتیں انتخابات میں حصہ لینے کی اہل ہیں ۔الیکشن کمیشن کی ویب سائیٹ پرشائع کی گئی تفصیلات کے مطابق صرف 37جماعتیں ایسی ہیں جوانتخابات کےلئے اہل ہیں جن میں عوامی مسلم لیگ ،مسلم لیگ کونسل ،مسلم لیگ (ضیا)،پاکستان جسٹس پارٹی ،مرکزی جمعیت اہلحدیث،پاکستان مسلم لیگ ،عوامی جمہوری اتحادپاکستان ،نیشنل پارٹی ،قومی عوامی تحریک ،اسلامی تحریک پاکستان ،مہاجرقومی موومنٹ ،مسلم لیگ (ف) ،جمعیت علمائے اسلام نظریاتی ،جمعیت علمائے اسلام (سمیع الحق گروپ )پیپلزپارٹی پارلیمنٹرین ،ہزارہ ڈیموکریٹک پارٹی ،جمعیت علمائے اسلام (ف) ،مسلم لیگ (ن) ،پاکستان قومی لیگ ،قومی وطن پارٹی ،پاکستان پیپلزپارٹی ،اللہ اکبرتحریک ،پاکستان راہ حق ،پاسبان پاکستان ،تحریک تحفظ پاکستان ،پاکستان پیپلزپارٹی ورکرز،عوامی نیشنل پارٹی (ولی )نیشنل فرنٹ پاکستان،تحریک انصاف نظریاتی ،پاکستان ڈیموکریٹک فرنٹ ،پاکستان ویمن مسلم لیگ ،گجرقومی موومنٹ ،پاکستان تحریک انسانیت اورعوامی لیگ شامل ہیں ۔فہرست کے مطابق پاکستان تحریک انصاف ،جمہوری وطن پارٹی ،آل پاکستان مسلم لیگ ،جماعت اسلامی ،پختونخواملی عوامی پارٹی ،پیپلزپارٹی شہیدبھٹو،مسلم لیگ ہم خیال ،سنی اتحاد کونسل سمیت دیگرسیاسی جماعتیں ایسی ہیں

جوملک کے انتخابات میں حصہ لینے کی اہل نہیں ۔الیکشن کمیشن کی جانب سے تحریک انصاف کے حوالے سے تمام صوبائی الیکشن کمشنرزکو بلے کانشان الاٹ نہ کرنے کی ہدایت بھی جاری کردی گئی ہے