نئی دہلی (آئی این پی)دنیا میں کئی ایسے افراد منظرعام پر آچکے ہیں جن کی شکل مشہور و معروف شخصیات سے اسقدر ملتی جلتی ہیں کہ دیکھنے والا دھوکہ کھا جاتا ہے، بھارتی اداکار سلمان خان کا ’’ہم شکل‘‘ پاکستان میں پایا گیا تو سری لنکن بائولر لاستھ مالنگا کا ’’گمشدہ بھائی‘‘ بھارت میں مل گیا۔
تفصیلات کے مطابق انڈین پریمیر لیگ (آئی پی ایل) میں ممبئی انڈینز کی نمائندگی کرنے والے لاستھ مالنگا گجرات لائنز کیخلاف میچ کھیل رہے تھے اور جیمز فالکنر کو بائولنگ کروا رہے تھے کہ اسی دوران ان کی نظر گرائونڈ میں لگی بڑی سکرین پر پڑی تو ان کی ہنسی چھوٹ گئی کیونکہ انہوں نے سکرین پر اپنے ’’ہم شکل‘‘ کو دیکھا جو ان کیساتھ اس قدر مشابہت رکھتا تھا کہ کمنٹیٹرز بھی ہنسی پر قابو نہ رکھ سکے۔
