راولپنڈی (مانیٹرنگ ڈیسک) آرمی چیف جنرل قمرجاوید باجوہ نے لائن آف کنٹرول کا دورہ کیا ہے ۔ڈی جی آئی ایس پی آر کے مطابق آرمی چیف نے مٹی والا اور مناور سیکٹرز کادورہ کیا ہے جہاں آرمی چیف جنرل قمرجاوید باجوہ کو جی او سی نے آپریشنل صورتحال پربریفنگ دی ۔آئی ایس پی آر نے بتایا ہے کہ آرمی چیف نے بھارتی جارحیت کامؤثرجواب دینے کاحکم دیا ہے ۔

اس موقع پر آرمی چیف جنرل قمرجاوید باجوہ نے کہا ہے کہ دہشت گردی میں بھارتی عزائم سے مکمل آگاہ ہیں ،بھارتی ایجنٹ کلبھوشن یادیوبھارتی عزائم کاثبوت ہے۔جنرل قمرجاوید باجوہ نے کہاکہ پاکستان میں دہشت گردی کے بھارتی عزائم سے مکمل طور پر آگاہ ہیں، بھارت دہشت گردی کے خلاف جنگ پر اثر انداز ہونا چاہتا ہے جب کہ بھارتی ایجنٹ کلبھوشن یادیو بھارتی عزائم کا ثبوت ہے اور ہم اس کیس کو منطقی انجام تک پہنچائیں گے۔انہوں نے کہاکہ پاک فوج ملکی دفاع کیلئےہروقت تیاراورپُرعزم ہے، قوم کے تحفظ کیلئے پاک فوج ذمہ داریاں پوری کرےگی۔قمرجاوید باجوہ نے کہاکہ کشمیری حق خودارادیت کیلئےجدوجہد کررہے ہیں، کشمیریوں کےساتھ ہماری یکجہتی جاری رہےگی،بھارتی فوج ایجنڈے کے تحت ایل اوسی پرصورتحال بگاڑرہی ہے۔انہوں نے کہاکہ بھارت دہشت گردی کیخلاف جنگ پراثراندازہوناچاہتاہے۔آرمی چیف نے کہاکہ پاک فوج پاکستان اورآزادکشمیرکادفاع کرناجانتی ہے۔انہوں نے مزیدکہاکہ پاک فوج ملکی دفاع کے لیے ہر وقت تیار اور پر عزم ہے اس کے جوان اپنی پیشہ ورانہ مہارت اور جذبے کی وجہ سے جانے جاتے ہیں جو پاک فوج کی ریڑھ کی ہڈی ہیں۔ انہوں نے کہا کہ فوج پاکستان اور آزاد کشمیر کا دفاع کرنا جانتی ہے جب کہ ایل او سی پر شہریوں کو دانستہ نشانہ بنانا قابل مذمت ہے، بھارتی بلا اشتعال سیز فائر کی خلاف ورزیوں کا بھرپورجواب دیا جائے۔