کراچی(مانیٹرنگ ڈیسک) ٹی وی میزبان وقار ذکا کوگزشتہ روزتشدد کانشانہ بنانے والےجنید خان نامی شہری کے معاملے کا ڈرامائی ڈراپ سین ہوگیا۔ایک نجی ٹی وی کے مطابق وقار ذکا نے جو اس پرتشدد معاملے سے متعلق مختلف ویڈیوز بنا کر سوشل میڈیاپر اپ لوڈ کر رہے تھے اوراب انہوں نے یک دم ہی بڑا یو ٹرن لے لیا ہے اورمعاملے کو انجام تک پہنچانے کا دعویٰ کرنے والے وقار ذکا نے تمام واویلے کو غلط فہمی کا نتیجہ قرار دے دیا۔
وقارذکانے اپنی نئی ویڈیومیں کہہ رہے ہیں کہ بس بھائی، بہت ہوگیا، آپ لوگوں نے سوشل میڈیا پر بڑا مزا لے لیا، بڑا چسکالے لیا۔ یہ دو بھائوں کے درمیان غلط فہمی ہو گئی تھی اور میں جانتا ہوں کہ اس ویڈیو کے بعد بھی آدھے لوگ اور بھی چسکا لیں گے۔ویڈیومیں جنید خان کے ساتھ بھائی چارہ بنائے وقار ذکاء ایک صوفے پر براجمان ہیں اور کہہ رہے ہیں کہ ایک دوسرے کی فیملیز کو کچھ نہیں کہنا چاہیے، اگر میں نےمیں نے کچھ بولا تو اس پرمعذرت کرتاہوں اورہمارے درمیان جوغلط فہمیاں پیدہوگئی تھیں وہ اب ختم ہوگئی ہیں ۔وقارذکانے اپنی جاری کردہ ویڈیوکے آخرمیں کہاکہ خدا کے واسطے،ہمارے یہاں بات کو بہت بڑھایا چڑھایا جاتا ہے اب ایسانہ کیاجائے۔ انہوں نے کہاکہ آپ کو نہیں معلوم کہ ہمارا آپس میںتعلق کیاہے۔
