لاہور (آئی این پی)چند روز قبل فواد خان کی کچھ تصاویر منظر عام پر آئی تھیں جن میں وہ کافی بدلے ہوئے دکھائی دے رہے تھے۔ ان کا یہ نیا روپ نئی آنے والی فلم کیلئے تھا جو ممکنہ طور پر پاکستانی کلاسیکی فلم ‘مولا جٹ’ کا سیکوئل سمجھا جا رہا تھا۔لیکن اس فلم کے بارے میں ہدایت کار بلال لاشاری نے تمام غلط فہمیوں کو دور کردیا۔
فیس بک پر ایک پوسٹ میں ان کا کہنا تھا کہ یہ فلم نہ ہی مولا جٹ کا سیکوئل ہے اور نہ ہی اس کا ری میک۔فلم کی پروڈکشن شروع ہو چکی ہے جو کہ ایک امریکی پروڈکش ہاؤس کی شراکت سے کئی ملین ڈالڑز پر مشتمل ہے۔ جبکہ مولا جٹ 2 کی کاسٹ میں فواد خان کے ساتھ حمزہ علی عباسی بھی ہیں۔
