نیویارک( نیوزڈیسک) ہواوے کی متعارف کرائی گئی سمارٹ واچ کی سکرین ایل جی کی اربین واچ سے بڑی ہے۔ اس میں اور بھی بے شمار خصوصیات ہیں۔ ہواوے واچ اس طرح ڈیزائن کی گئی ہے کہ اسے خواتین و حضرات دونوں ہی پہن سکتے ہیں۔ گھڑی کے کیس کا قطر 42 ملی میٹر ہے جبکہ اس کی موٹائی 11.3 ملی میٹر ہے۔ ہواوے واچ سیاہ، سلور اور گولڈن تین رنگوں میں دستیاب ہے۔ گھڑی کا رسٹ بینڈ خالص لیدر اور میٹل کا ہے جسے آسانی سے تبدیل بھی کیا جا سکتا ہے۔ ہواوے نے کئی طرح کے رسٹ بینڈ بھی متعارف کرائے ہیں۔ رسٹ بینڈ کی کوالٹی دیکھنے میں بہت اچھی ہے امید ہے کہ ان کی گرفت بھی اچھی ہو گی۔ ہواوے کا کہنا ہے کہ اس گھڑی کو کسی بھی ہاتھ میں آرام سے پہنا جا سکتا ہے۔ ہواوے سمارٹ واچ کو اس سال کے وسط میں لانچ کیا جائے گا۔ اس کی قیمت کے حوالے سے مختلف افواہیں گردش کررہی ہیں۔ ایک انداز کے مطابق اس کی قیمت ایک ہزار ڈالر سے زیادہ ہوگی۔