اسلام آباد(مانیٹرنگ ڈیسک) نجی ٹی وی چینل کے ایک پروگرام میں گفتگو کرتے ہوئے سینئر صحافی رؤف کلاسرا نے کہا ہے کہ جاوید ہاشمی کو اللہ تعالیٰ نے بہت عزت دی تھی۔ اللہ تعالیٰ فرماتا ہے کہ میں انسان کو عزت دیتا ہوں تو بعد میں وہ اپنے لئے ذلت خود پسند کر لیتا ہے۔
اسی طرح جاوید ہاشمی نے بھی کیا ہے۔ جب جاوید ہاشمی نے نواز شریف کو چھوڑا تھا تو انہوں نے نواز شریف پر عمران خان سے بھی زیادہ سنگین الزامات لگائے تھے اور بے ہودہ زبان استعمال کی تھی۔ اسی طرح جب جاوید ہاشمی عمران خان کو چھوڑ کر گئے تو ان کیخلاف بولنے لگے اور بے تکا بولنے لگے۔
یہ سب وڈیو کی صورت میں ریکارڈ پر موجود ہے۔ رؤف کلاسرا نے کہا کہ ایسا لگتا ہے کہ جیسے پاکستان میں ایک ہی سیاستدان نیک پارسا ہے اور وہ جاوید ہاشمی ہیں۔ جاوید ہاشمی کو جو اصل غصہ ہے وہ یہ ہے کہ تحریک انصاف میں ان کیخلاف کئی انکوائریاں چل رہی تھیں۔
ان پر پیسے لینے کے بڑے الزامات لگے تھے اور ان کیخلاف کافی ثبوت بھی آ گئے تھے۔ جاوید ہاشمی یہ سمجھتے تھے کہ وہ پی ٹی آئی میں آئے ہیں اور جو چاہیں گے وہ ہو جائے گا۔ لیکن تحریک انصاف میں جو چاہوں گا والا ھساب نہیں چل سکا۔ رؤف کلاسرا نے کہا کہ تحریک انصاف کے کئی رہنماؤں نے عمران خان کو ثبوت پیش کئے تھے کہ باغی صاحب نے ہم سے کتنے کتنے پیسے لئے ہیں ٹکٹ کے نام پر۔
سینئر صحافی کا کہنا تھا کہ یہ تو عمران خان کا ظرف ہے کہ وہ آج تک جاوید ہاشمی کی اصلیت سامنے نہیں لائے