اسلام آباد(مانیٹرنگ ڈیسک )پاکستان سپریم کورٹ کے نو منتخب چیف جسٹس ثاقب نثار نے تمام درخواستوں کی سماعت کیلئے بیچ تشکیل دیدیا ہے ۔ تفصیلات کے مطابق آج سپریم کورٹ آف پاکستان کے نئے چیف جسٹس کا حلف اٹھانے والے چیف جسٹس ثاقب نثار نے پانامہ کیس کی تمام درخواستوں کی سماعت کی شنوائی کیلئے

5رکنی لاجر بیچ تشکیل دیدیا ہے ،چیف جسٹس اس بنچ کا حصہ نہیں ہو گے ۔ اس بنچ میں جسٹس اعجاز افضل خان ، جسٹس اعجا ز الاحسن ، جسٹس گلزار احمد اور جسٹس شیخ عظمت سعیدشامل ہیں۔ پانامہ لیکس سے متعلق درخواستوں کی پہلی سماعت چار جنوری کو ہو گی جس کے بعد پانچ اور چھ جنوری کو بھی سماعت کی جائے گی۔واضح رہے کہ اس سے قبل سپریم کورٹ کے جسٹس ثاقب نثار نے پاکستان کے 25 ویں چیف جسٹس کے عہدے کا حلف اٹھا لیا۔صدر ممنون حسین نے جسٹس میاں ثاقب نثار سے حلف لیا۔ تقریب کا آغاز ڈاکٹر اکرام الحق نے تلاوت سے کیا،جس کے بعد میاں ثاقب نثار نے عہدے سے وفاداری کا حلف اٹھایا۔ اس موقع پر وزیراعظم نواز شریف، چیرمین سینیٹ، اسپیکر قومی اسمبلی، وفاقی وزراء و اراکین پارلیمنٹ سمیت مسلح افواج کے سربراہان اور سپریم کورٹ کے ججز نے شرکت کی۔واضح رہے کہ جسٹس انور ظہیر جمالی گزشتہ روز مدت ملازمت پوری ہونے کے بعد اپنے عہدے سے ریٹائر ہو گئے تھے جبکہ جسٹس ثاقب نثار جسٹس میاں ثاقب نثار 17 جنوری 2019 تک اپنی ذمہ داریاں نبھائیں گے۔