نیور یارک (نیوز ڈیسک ) یہ جیمز بونڈ کی وہ گاڑی تو نہیں جو سڑک اورسمندر دونوں جگہ استعمال کی جاسکتی ہے مگر کو ئی کروڑ پتی شخص فراری جیسی نظر آنے والی اس دو نشستوں کی آبدوز سے سمندر کی گہر ائیوں کا لطف ضرور اٹھا سکتا ہے ۔یہ انوکھی برقی آ بدوز سمندر میں 300 فٹ کی گہرائی تک جا سکتی اور اس طرح اس میں سفر کرنے والے افراد با آ سانی سمندری زندگی کا نظارہ کر سکتے ہیں ۔ایچ پی اسپورٹ سب ٹو نامی اس گاڑی کو سی فراری کا بھی نام دیا گیا ہے کیونکہ یہ کسی سپر کار جیسی ہی نظر آ تی ہے اور اسے بغیر چارج کئے 6 گھنٹے تک استعمال کیا جاسکتا ہے ۔ اس میں مختلف سہولیات جیسے لیدر اسپورٹس سیٹس اور ائر کنڈیشن وغیرہ بھی موجود ہیں جبکہ پاور اسٹیر نگ کی بدولت اسے پانی کے اندر بغیر کوشش کے بھی چلایا جاسکتا ہے ،تاہم انڈر واٹر لائٹس اور ایک نیوی گیشن سسٹم آ سانی کے لیے ضرور موجود ہے ۔ اس آ بدوز کو ٹچ اسکرین سے کنٹرول کیا جا سکتا ہے جبکہ اس میں انڈر واٹر کمیو نیکشن سسٹم بھی موجود ہے ۔ تاہم اس کی قیمت ہوش اڑا دینے والی ہے جو کہ 11 لاکھ ڈالرز اوراسے رواں برس اگست میں متعارف کر ایا جائے گا ۔ یہ 9 فٹ لمبی آبدوز ایک ڈچ کمپنی یوبوٹ ور کس کی ایجاد ہے اور اس کا وزن 22 سو کلو ہے ۔