اسلام آباد (مانیٹرنگ ڈیسک)جرمنی کی معروف ترین کار ساز کمپنی آڈی نے پاکستان میں گاڑیاں بنانے کا اعلان کردیا۔غیر ملکی خبر رساں ایجنسی کی جانب سے جاری رپورٹ کے مطابق جرمنی کی معروف ترین کار ساز کمپنی آڈی اے جی نے پاکستان میں گاڑیاں بنانے کا اعلان کیا ہے۔پاکستان میں گاڑیاں بنانے سے متعلق بورڈ آف انوسٹمنٹ کو غور کیلئے لکھے گئے خط میں کمپنی نے اپنے درآمدکنندہ کے ذریعے پاکستان میں اسمبلی پلانٹ لگانے میں دلچسپی کا اظہار کیا ہے۔ کارسازکمپنی’ آڈی اے جی‘ نے پاکستان میں ہی گاڑیاں بنانے کا اعلان کردیا ۔ بورڈ آف انوسٹمنٹ کو غور کیلئے لکھے گئے خط میں کمپنی نے اپنے درآمدکنندہ کے ذریعے پاکستان میں اسمبلی پلانٹ لگانے میں دلچسپی کا اظہار کیا ۔پاکستان میں آڈی کے درآمد کنندہ پریمیئرسسٹم پرائیویٹ لمیٹڈ کے سربراہ علی خان نے اپنے ایک انٹرویو میں اظہار دلچسپی کی تصدیق کرتے ہوئے بتایاکہ پلانٹ لگانے کے لیے کورنگی انڈسٹریل اسٹیٹ میں جگہ بھی خرید لی گئی اور
پلانٹ لگانے سے ملک میں 30ملین ڈالر سے زائد کی مزید سرمایہ کاری ہوگی، پاکستان 57ممالک میں سے ایک ہے جہاں آڈی کا بااختیار درآمدکنندہ موجود ہے ۔ انہوں نے بتایاکہ آڈی نے پاکستان میں سرمایہ کاری کیلئے رواں سال مئی میں حکومت سندھ کیساتھ ایک مفاہمتی یادداشت پر دستخط کیے تھے ، ہم نے مارچ میں منظورہونیوالی حکومت کی آٹوپالیسی کا جائزہ لیا اور پھر ساڑھے تین ماہ بعد آڈی کی طرف سے اظہاردلچسپی کا خط لکھ دیا اور کہاکہ ہم پاکستان میں گاڑیاں بنانے کے خواہشمند ہیں۔ کم شرح منافع اور مڈل کلاس میں اضافہ اور بین الاقوامی برانڈز کی طرف سے پاکستان میں پلانٹ لگانے میں دلچسپی کا مطلب ہے کہ پاکستان غیرملکی سرمایہ کاروں کیلئے پرکشش ملک بن گیا۔ فرانسیسی کمپنی ’رینالٹ‘ پہلے ہی گندھارا نسان کیساتھ مل کر پاکستان میں گاڑیاں بنانے کا عندیہ دے چکی ہے جہاں صارفین کئی عشروں سے صرف مخصوص کمپنیوں کی گاڑیاں ہی خریدنے پر مجبور ہیں۔انہوں نے کہاکہ اب وہ افراد بھی گاڑیاں خریدسکیں گے جوکہ مہنگی گاڑیاں خریدنے کی سکت نہیں رکھتے تھے اورمارکیٹ میں مقابلے کارجحان پیداہوگا۔واضح رہے کہ اس سے قبل فرانسیسی کمپنی ’رینالٹ‘ پہلے ہی گندھارا نسان کیساتھ مل کر پاکستان میں گاڑیاں بنانے کا اعلان کرچکی ہے، کو جاپانی گاڑیوں سے بھی کئی زیادہ سستی ہونگی.
