قاہرہ: (ویب ڈیسک) قاہرہ کی عدالت نے مصر کے معزول صدر محمد مرسی کی سزائے موت ختم کرتے ہوئے مقدمے کی دوبارہ سماعت کا حکم دیدیا ۔ غیر ملکی خبر رساں ادارے کے مطابق مصر کے معزول صدر محمد مرسی کی سزائے موت ختم کرتے ہوئے مقدمے کی دوبارہ سماعت کا حکم قائرہ کی ایک عدالت نے جاری کیاہے جبکہ اس سے قبل عدالت نے سابق صدر محمد مرسی کو 2011ء میں جیل توڑنے کے الزام میں موت کی سزا سنائی تھی۔
سابق صدر محمدمرسی کو ایک اور مقدمے میں مظاہرین کو گرفتار کرنے اور ان پر تشدد کا حکم دینے کے جرم میں 20 سال قید کی سزا سنائی جا چکی ہے۔ دوسری جانب ان جماعت اخوان المسلمون پر پابندی عائد کرکے اس کے ہزاروں کارکنوں کو گرفتار کیا جا چکا ہے۔
خیال رہے کہ مصر میں پہلی بار جمہوری طریقے سے منتخب ہونے والے سابق صدر مرسی کو جولائی 2013ء میں فوجی بغاوت کے بعد معزول کر دیا گیا تھا۔ محمد مرسی کے اقتدار میں آنے کے کچھ عرصہ بعد ہی ان کے خلاف مظاہرے شروع ہو گئے تھےجس کے بعد جنرل الیسی نے عام انتخابات میں فتح حاصل کی اورصدرمرسی کومختلف جرائم میں جیل بھیج دیاگیاہے جہاں پران کوسزائے موت سنائی گئی جبکہ عدالت نے ایک بارپھرسابق مصری صدرمحمدمرسی کے مقدے کی سماعت کاحکم دیاہے ۔
