اسلام آباد (مانیٹرنگ ڈیسک)اگر تو آپ واٹس ایپ استعمال کرتے ہیں تو اچھی خبر یہ ہے کہ اس میں کئی نئے فیچرز کا اضافہ ہوا ہے جو دوستوں کے ساتھ تصاویر کو شیئر کرنے زیادہ پرلطف بنا دے گا۔درحقیقت فیس بک اگر اسنیپ چیٹ کے فیچرز چرانے میں مصروف ہے تو واٹس ایپ بھی ایسا کررہی ہے۔یہی وجہ ہے کہ اس ایپ میں اب فوٹوز اور ویڈیوز میں ڈوڈل بنانے کی سہولت متعارف کرا دی گئی ہے جبکہ ان پر ایموجیز کو بھی استعمال کیا جاسکتا ہے۔یعنی اگر آپ کو کوئی تصویر اچھی نہیں لگ رہی تو آپ اسے اپنی مرضی کے مطابق سجا سنوار کر دوستوں سے شیئر کرسکتے ہیں۔اور جہاں تک سیلفی کے معیار کی بات ہے تو واٹس ایپ نے اس میں بھی چند اضافے کیے ہیں۔اب واٹس ایپ کیمرے میں فرنٹ فیسنگ فلیش سپورٹ بھی مہیا کردی گئی ہے اور اس طرح رات کے وقت کی تصاویر کسی اور ایپ میں جائیں بغیر زیادہ اچھی لی جاسکتی ہیں۔اسی طررح اسنیپ چیٹ جیسا ریکارڈنگ کنٹرول بھی واٹس ایپ میں آرہا ہے۔واٹس ایپ نے یہ فیچرز اینڈرائیڈ اسمارٹ فونز استعمال کرنے والوں کے لیے متعارف کرائے ہیں جبکہ آئی او ایس پر بھی جلد انہیں پیش کردیا جائے گا۔اسی طرح واٹس ایپ میں بغیر الفاظ کے ایموجیز بھیجنے پر یہ کارٹون عام معمول کے مقابلے میں اب کافی بڑے نظر آئیں گے۔واضح رہے کہ اس سے پہلے رواں سال واٹس ایپ نے پی ڈی ایف سپورٹ، تھرڈ پارٹیز ایپس جیسے گوگل ڈرائیور کو سپورٹ، اینڈ ٹو اینڈ انکرپشن وغیرہ جیسے فیچرز کو متعارف کرایا ہے۔حال ہی میں اس نے اپنی پرائیویسی پالیسی کو اپ ڈیٹ کرتے ہوئے صارفین کا ڈیٹا فیس بک سے شیئر کرنے کا اعلان کیا جس پر کافی تنازع بھی سامنے آیا اور اس عمل کے مکمل ہونے پر صارفین اشتہارات کا سامنا بھی ہوگا۔

موضوعات:واٹس ایپ