لاہور/شیخوپورہ ( این این آئی )تحریک انصاف کے رائیونڈ جلسے میں دم گھٹنے سے بیہوش ہونے والا کارکن دم توڑ گیا، شیخوپورہ کے عبد الرشید کی میت آبائی گاؤں پہنچا دی گئی،لواحقین نے عمران خان کی آمد تک تدفین سے انکار کر دیا۔بتایا گیا ہے کہ پی ٹی آئی شیخوپورہ کا کارکن عبد الرشید جمعہ کے رو ز رائیونڈ میں پی ٹی آئی کے جلسے میں شریک ہوا تاہم جلسے میں دم گھٹنے سے بیہوش ہو گیا جسے طبی امداد کے لئے ہسپتال لیجا یا مگر وہ جانبر نہ ہوسکا او ر دم توڑ گیا۔مرحوم کارکن کے بیٹے کا کہنا ہے کہ اس کے والد عمران خان کی خاطر رائیونڈ جلسے میں گئے تھے اور اب جبکہ اس کے والد اس جلسے میں جاں بحق ہو گئے ہیں لہٰذاعمران خان کو بھی اسکے والد کی نماز جنازہ میں شریک ہونا چاہیے۔جاں بحق کارکن کے لواحقین نے اعلان کیا ہے کہ جب تک عمران خان شرکت نہیں کریں گے تب تک نماز جنازہ اد انہیں کریں گے۔

موضوعات:عمران خان