لاہور (این این آئی )کسی بھی طرح کے تصادم سے بچنے کیلئے (ن) لیگ نے اپنی سیاسی سر گرمیاں معطل رکھیں۔ پی ٹی آئی کی طرف سے رائیونڈ کی طرف مارچ اور جلسے کے اعلان کے بعد (ن) لیگ کے کارکنوں میں شدید اشتعال پایا جاتا تھا اورمزاحمت کی تیاری بھی کی گئی تھی ۔ تاہم (ن) لیگ کی قیادت کی طرف سے کارکنوں کو کسی بھی اقدام سے باز رہنے اور صبر و تحمل کا مظاہرہ کرنے کے احکامات دئیے گئے ۔ قیادت کی ہدایت پر گزشتہ روز (ن) لیگ نے لاہور میں اپنی سیاسی سرگرمیاں معطل رکھیں اورپارٹی دفاتر بھی بند رہے ۔