لاہور (آن لائن)ترجمان حکومت پنجاب سیدزعیم حسین قادری کا کہنا ہے کہ تحریک انصاف ملک بھر سے صرف پانچ سے دس ہزار کارکنوں کواڈہ پلاٹ رائیونڈ میں جمع کر سکے گی۔اگر پی ٹی آئی کو منظور ہے تو راناثنااللہ کی جانب سے ان کے لیے ناشتے اور کھانے کاانتظام کروایا جا سکتا ہے۔الحمراکلچرل کملپیکس قذافی اسٹیڈیم میں سی پیک کے حوالے سے تقریب کااہتمام کیاگیا۔تقریب کے بعد میڈیا سے گفتگو کرتے ہوئے سیدزعیم حسین قادری کاکہناتھاکہ رائیونڈمیں تحریک انصاف کیاحتجاج کے سلسلے میں سی سی ٹی وی کیمرے نصب کردیے گئے ہیں جبکہ سی سی پی اواورکمشنرسمیت لاہورکی تمام انتظامیہ نے تحریک انصاف کی قیادت کی خواہش کے مطابق روٹ بنایا ہے۔ انہوں نے کہا کہ تحریک انصاف ملک بھرسے بھی اپنے کارکنان رائیونڈمیں جمع کرلے تودس ہزارسے زائد کارکنوں کواکھٹانہیں کرسکتی۔

موضوعات:رائیونڈ مارچ