اسلام آباد (این این آئی)خطیب لال مسجد مولانا عبدالعزیز کے خلاف درج مقدمات کا فیصلہ عدالت نے سنادیا۔مبینہ طور پراشتعال انگیز و فرقہ ورانہ تقریر کرنے کے الزام میں درج مقدمے میں مولانا عبدالعزیز کو باعزت بری کردیا گیا جبکہ مبینہ طور پر این جی او کے رہنماؤں کو قتل کی دھمکی دینے کے الزام میں درج مقدمے کا حتمی فیصلہ 28ستمبر تک مؤخر کرتے ہوئے مقدمے کے مدعیان کو عدالت میں پیش ہوکر اپنا موقف دینے کے لئے آخری موقع دے دیا گیا،عدالت نے قرار دیا ہے کہ اگر مدعیان مقدمے کے دفاع میں 28ستمبر کو عدالت میں پیش نہ ہوئے تو انہیں سنے بغیر ہی عدالت مذکورہ مقدمے میں بھی اپنا حتمی فیصلہ سنا دیگی۔