کراچی(مانیٹرنگ ڈیسک) نجی ٹی وی چینل کی معروف اینکر پرسن ثناء فیصل کو مبینہ طور پر ایک فین نے زہر دے دیا۔نجی ٹی وی چینل کے ایگزیکٹو پروڈیوسر اشعر علی کے مطابق ثناء فیصل گزشتہ رات نارتھ ناظم آباد، حیدری میں اپنے شوہر کے ساتھ آئسکریم کھانے گئی تھیں، جہاں ایک 14 یا 15 سال کے لڑکے نے آٹوگراف لینے کے بعد سیلفی کی خواہش کا اظہار کیا جسے ثناء نے مسترد کردیا۔اشعر علی کے مطابق کچھ دیر بعد وہ لڑکا دوبارہ آیا اور ثناء کو آئسکریم دینے پر اصرار کیا،کافی پس و پیش کے بعد ثناء نے مذکورہ فین سے آئسکریم لے کر کھائی، جس کے بعد ان کی حالت بگڑ گئی اور انھیں ضیاء الدین ہسپتال منتقل کیا گیا، بعدازاں انھیں عباسی شہید ہسپتال منتقل کیا گیا۔اشعر علی کے مطابق ثناء فیصل کے شوہر کا دعویٰ ہے کہ آئسکریم مبینہ طور پر زہریلی تھی۔

موضوعات:اینکر پرسن زہر نجی ٹی وی