لاہور( این این آئی ) محرم الحرام کا چاند دیکھنے کیلئے رویت ہلال کمیٹی کا اجلاس 2 اکتوبر کو ہوگا، جبکہ ماہر ین فلکیات کے مطابق نئے اسلامی سال کا آغاز 3 اکتوبر جبکہ یوم عاشور 12 اکتوبر کو ہونے کا امکان ہے۔مرکزی رویت ہلال کمیٹی کا اجلاس چیئرمین مفتی منیب الرحمن کی زیر صدارت کراچی میں منعقد ہوگا جبکہ زونل کمیٹیوں کے اجلاس بھی اپنے مقررہ مقامات پر منعقد ہوں گے جس میں شہادتوں کی روشنی میں نئے اسلامی سال اور محرم الحرام کا چاند نظر آنے یا نہ آنے کا فیصلہ کیا جائے گا۔ماہرین فلکیات کے مطابق 2 اکتوبر بروز اتوار بمطابق 29 ذی الحج کو محرم الحرام کا چاند نظر آنے کا قوی امکان ہے جس کے بعد یوم عاشورہ 10 محرم الحرام 1438ھ بدھ 12 اکتوبر کو ہوگی۔