لاہور(این این آئی )پاکستان مسلم لیگ(فنکشنل)پنجاب کے نائب صدر ڈاکٹر ملک محمد سعید نے کہا ہے کہ پی ایم ایل (فنکشنل) پی ٹی آئی کے احتجاج میں شامل نہیں ہوگی،بھارتی جارحیت کے خلاف کشمیری سیسہ پلائی دیوار ہیں ،ان کی جدوجہد آزادی قابل رشک ہے عالمی برادری اس مسعئلہ کو فوری حل کرے، دہشت گردی کو ختم کئے بغیرپاکستان ترقی نہیں کر سکتا،ہم سب کو ملکر دہشت گردی کو شکست دینا ہوگی،سی پیک پاکستان کی خوشحالی اور عام آدمی کی ترقی کا منصوبہ ہے،عوام اس کے راستے میں رکاوٹیں ڈالنے والوں کے خلاف سیسہ پلائی دیوار بن جائیں، پنجاب حکومت کو عوام کے بنیادی مسائل کی طرف توجہ دینا ہوگی،عمران خان کی سیاست ملکی مفاد میں نہیں۔ان خیالات کا اظہار انہوں نے گذشتہ روز لاہور میں پارٹی اجلاس کے بعد میڈیا سے گفتگو کرتے ہوئے کیا۔انہوں نے کہا کہ پاکستان معاشی ترقی کی شاہراہ پر گامزن ہو چکاپاک چین قیادت کا سی پیک پر مکمل اعتماد ہے،یہ کسی پارٹی یا شخصیت کا نہیں بلکہ پاکستان کا منصوبہ ہے،اسکی مخالفت دراصل پاکستان کی مخالفت ہے ،انہوں نے کہا کہ سی پیک اور میٹرو اورنج ٹرین جیسے قومی منصوں پر سب متحد ہونا چاہیے اور یہ منصوبے رکنے نہیں چاہیے۔اجلاس میں کشمیرمیں بھارتی بربریت اور مظالم کی قرارداد کی بھی متفقہ منظوری دی گئی ۔