اسلام آباد ( مانیٹرنگ ڈیسک ) پاک روس افواج کی مشترکہ مشقیں کل سے شروع ہو رہی ہیں، پہلی تاریخی مشقوں کا مقصد کسی بھی اندورنی وبیرونی جارحیت کا فوری جواب اور علاقے میں پائیدار امن کے قیام کو یقینی بنانا ہے،پاکستان کی عسکری تاریخ میں پہلی دفعہ روسی فوجیں مشترکہ مشقیں کریں گی یہ مشقیں پاکستان کی اسپیشل سروس گروپ ’’ایس ایس جی ‘‘ اور روسی فوج ’’ایلیٹ دستے‘‘ کریں گے۔ روسی فوجی دستے پاکستان آمدوقت کے لحاظ سے معنی خیز ہے۔
تفصیلات کے مطابق گزشتہ دن سے جاری مشقوں میں شرکت کیلئے روسی فوج پاکستان پہنچ گئی ہے ۔پاک فوج کے شعبہ تعلقات عامہ (آئی ایس پی آر) کے اعلامیہ کے مطابق فوجی دستہ پہلی تاریخی پاک روس فوجی مشقوں میں شرکت کیلئے پہنچاہے۔آئی ایس پی آر کے مطابق دو ہفتوں پر مشتمل فوجی مشقیں 24 ستمبر سے 10 اکتوبر تک جاری رہیں گی۔واضح رہے کہ بھارت نے ان مشقوں کو روکنے کیلے روس پر سفارتی دبائو ڈالنے کی کوشش کی اور ایک سے زائد دفعہ روس سے درخواست کی کہ یہ مشقیں منسوخ کر دی جائیں ، جس پر روس نے بھارتی وزیراعظم کو واضح کر تے ہوئے کہا ہے کہ یہ مشقیں ضرور ہو نگی